Pasturella corsa
Pasturella d’allegria è di dulore
Ind’u to sangue corre un gran onore
Sì puntata da l’Eternu Creatore
Pè pratica Fede, Virtù è Amore
Dorca graziosa
Benedetta sposa
Dulcissimu mele
Manna di Michéle
Da vicinu è da luntanu
Per tè i corsi canteranu
Pasturella corsa
Pasturella corsa
Pasturella corsa di a nostra Tarra
Meriti d’esse tenuta assai cara
Di bon’ ora arritta tù mai ùn posi
Incù discorsi pocu numerosi
Pasturella tremenda è micca sfacciata
Da e ghjente di virtù sì laudata
Pasturella tant’ amata d’u so sposu
Per u ladru sì cum’è l’ortu ben’ chjosu
E to percurelle belle, grass’è tonde
Per purtall’à pasce ùn conti e stonde
Pasturella da i soi rispettata
Mai, mai ùn po ess' abbandunata
JMB
Musique: Bruno Baccara
Chanteurs: Régine et Bruno