Petra Corbara cum’è tè ùn si trove a para

Amati paesoli capicorsini

Ind’è voi hè un gran piacè di campà

Bellissimi incantatoghji divini

Cù a vene maestra vi voglia cantà

Benedetta Tarra di Petra Corbara

Cum’è tè mai ùn si trova a para

Accumpagnati da i nostri strumenti

Cantemu cù amici è cù parenti

A Petina, a Cortina

Selmacci, Petronacci

Ornedo è Punticellu

Oreda ; Diu d’u Celu

Vi hà datu bell’anellu

Beatu capi corsinu

U pueta balaninu

Cù core ti hè vicinu

Diletti paesoli di a Cirnea

Ind’è voi ci si trove felicità

Maraviglie di a Cursichella meia

Cù ardente stimulu vi vogliu cantà

Benedetta Tarra di Petra Corbara

Cum’è tè ùn si trove a para

Accumpagnati cù i nostri strumenti

Cantemu cù amici è cù parenti

JMB

Musique : Louis Mariani Rutherford