Lumiu deliziusu, Lumiu luminosu
Per empie a sechja
D’acqua fresca fresca
Aprite l’arechja
D’u core manesca
O dilette ghjente
Aprite a mente
Pè ben' ricunfurtavvi
E’per ralegravvi
Cù verbu nò stortu
In Lumiu vi portu
Lumiu deliziosu
Micca lacrimosu
Mai mai bughjicosu
Bell’incantatoghju
O caru alloghju
U to dolce ventu
Hè un spannamentu
Alegru mi sentu
Mi ghjunghje u pientu
O famiglia meia
Melgrana, limeia
Amati, amate
Voi mi puntate
E’mi date l’ale
Per cantu nustrale
Mare cù pughjale
Sti belli spusati
Sò i me amati
Luntanu da mogu
L’affettu li dogu
Cuntentu è fieru
E’ sò un bracceru
Servu d’ammuniti
E’ mandu l’inviti
Alegru mi sentu
Mi ghjunghje u pientu
Lumiu deliziosu
Lumiu luminosu
U to dolce ventu
Hè a u spannamentu
JMB
Note: Poème déclamé avec instruments musicaux par la talentueuse poètesse et chanteuse nationale et internationnale, lors des fêtes du beau village de Lumiu qui se trouve tout près de Calvi.