Chì l’Eternu per tè fia ò carissima Bastia

Bastia, e to porte m’ai spalancatu

Sò ricevutu, accoltu è abbracciatu

Frutti dolci è schietti i trovu à stratu

Chì l’Eternu per tè fia

O carissima Bastia

Lu ti doca l’alegria

U risu, latte è granu

Ben’ scosta di u Furdanu

Bastia incantatoghju

Hè dolce u to alloghju

Ti ringraziu ò Bastia

Ti ringraziu ò Bastia

Bastia, cità di carità è d’amore

Tù sia sustenuta da u Creatore

U Messia ch’ellu sia u to Pastore

Bastia, cù l’aiutu di u santu Ermone

Tù fiurisca cum’è bastone d’Araone

Per tè, dulcissima rima vogliu cumpone

Bastia, mi stimuleghji core è spiritu

Figliulellu Puema, tempi fà feritu

Avà, s’arcifaleghje per fratellu rimitu

Bastia, di a me Tarra, circondu fieru

Pueta, in casa toia, ùn hè frusteru

A u me figliolu Puema li dai l’imperu

JMB

Musique : Louis Mariani Rutherford