Lingua Corsa di u nostru core
Ghjah, cù nostra Lingua ti vulemu glurificà
U to Santu Regnu ci aiute à predicà
Pessimi Scellerati ti vulianu tumbà
Ma Cristu, da Quassù sì hè messu à mughjà
Contru à l'addurmentati chì lasciavamu fà
O Lingua di Cirnu, Lingua di u nostru core
Alcun' Ghjuda ùn hè capace di fatti more
Eiu, umile Servitore di u Creadore
No, mai è mai ùn ti aghju lasciatu corre
U Sapiente francese ùn devimu disprezzà
Ma i lombi, stintini ùn face ruminicà
I Grandi Sapientoni chì volenu scherzighjà
Cù malacelle ch'elli si mettinu à cantà
Populu Corsu di u Signore ùn ti scurdà
Perchè Ellu in ogni cosa ti po aiutà
Sia saviu, aspettendu u Bellu Vinente
Aduneghjati cù Ghjuste è Fidate ghjente
Ben cautu, sfidati di Canagli Traditori
Di i sacchitaghji è di i Falzi pastori
Elli, senza pietà, t'anu sempre divuratu
U to chjuculellu Lusernaghju l'anu manghjatu
E'in fole è canzone sì statu purtatu
Ma oghje ghjornu l'Eternu ti hà discetatu
O Corsica meia, sò un poveru esilatu
L'ipucriti Farisei mi anu tribulatu
Sti arrabbiati ùn sò ghjunti à fammi piegà
A' Cirnea, in mare vulerianu ciumbà
Da sti Falzoni fratelli ùn ti fà carezzà
Pecurelle è Agnillucci volenu sbandà
Da scogli sottu à l'acqua ùn ti fà piglià
St'arburacci di vachime, senza alcun'fruttu
un' amenu chi salticcia è coppa è prisuttu
Bon brucciu, lonzo è schiettu casgiu pecurinu
Brutteghji cù cetera, chitarra è viulinu
Pruclamenu : « A Corsica a tenimu cara »
Ma stanu in agguattu per lampalla in tarra
Elli volenu a gabbia è micca l'acelli
E' so pronti à uccide omi è zitelli
Fratellu corsu, apri l'ochju, tendi l'arechja
D'Acqua di Diu ch'ella sia piena a to sechja
S'è veramente voli prusperà
A Parolla Sacra devi studià
Ver di tè, senzà tricà, venerà
Santa, Immaculata Verità
Ié, per u sempre ti farà campà
In a Vera, Bella Felicità
GMB
PS : Ghjilormu Mulas Benedetti, micca mandatu da a carne è l'osse, ma da u nostru Babbu Celestu è da u Signore Ghjesù Cristu, u Carissinu Redentore, per serve principalmente i veri corsi è quelli chi amenu, cù Vera Sincerità, a Lingua di cirnu, Lingua di u nostru core.