Cumandamenti santi

 

Indegnamente ùn serve à Ghjah

Alcunu idulu ùn adorà

E' u prossinu ùn assassinà

Pè u sempre sfrancati d'arrubbà

 

Tendi l'arechja, senti sta chjama

A' u to babbu è a to mamma

Dalli affettu, dalli onore

U Gran Malignu lascialu corre

Sia ubbiente à Ghjah, Diu Ghjevvah

Falzu testimone ùn devi fà

A roba altruia ùn desiderà

 

Per ottene a Benedizzione

Un' abbraccià a Furnicazione

Praticheghja, perdonu, ghjustizia

Luntanu di brutteghju, malizia

Scarta, senza pietà, l'avarizia

 

Senza mai perde santu Sale

Di l'Errore sulleva Scurzale

Cappiendu a manu di l'Eresia

Cammineghja nant'à a Santa Via

 

Nantu à l'Alti Monti veni, colla

O corsu porta a me Parolla

E' sò prontu à datti a manu

Canta è canta u to Supranu

 

For'di Mè altru diu ùn adorà

In lingua toia E' mi chjamu Ghjevvah

Veghja è mai, mai ùn ti ne scurdà

U vechju mondu l'aghju da cambià

Ralegrati cirneanu amatu

Messia ùn ti hà abbandunatu

Da ellu sì statu riscattatu

 

Per cunnosce a saviezza

Per avè l'intelligenza

Ascolta a disciplina

Luntanu di l'Assassina (1)

Per disciole i discorsi

Lascia tana di l'Orsi

 

S'é tù cerchi a Struzzione

Demandala bè à Sione

A ghjustizia è l'Equità

Prudenza è gran carità

Viaghja cù Babbu Ghjevvah

 

Pè avè u santu ventu (2)

Un' ti sarà in cuventu (3)

Pè capisce a Sentenza

Dà l'acqua à a to Lenza

 

Di Diu Ghjah aghja timore

Adora à Ghjah, Creatore

Stà à sente a to Mammà (4)

Un'disprezzà a so chjama

Disciplina d'u to Babbu (5)

Falla entre in u capu

 

U me figliolu ascolta a me Sapienza

Tendi l'arechja à u me avertimentu

Di a Dunnacia (6) ùn cercà dolce carezza

Aspetta cù fede Novu Avvenimentu (7)

Pè tene contu di a bella Sagacità

Viaghja incù a Santissima Verità

 

Stammi à sente corsu dilettu

S'è tu voli esse benedettu

Un' sia amicu cù peccadori

Un'ti calà cù i traditori

Studia a Legge di u Signore

Per pudè beie l'Acqua chì corre

Pè purtà fruttu ogni stagione

Dumande aiutu à l' Ermone (8)

 

 

 

Note:

 

1 – L'Assassina: A Falza Religione chì hà persecutatu è uccitu, durente seculi e seculi, i figlioli di Ghjevvah è di Ghjesù.

2 – Ventu: spiritu santu di Diu (forza attiva).

3 – ùn ti sarà in cunventu: Diu ùn hà mà demandatu à i so Fidati di sarrassi in i cunventi. L'hà mandati cum'é Ambasciadori pè predicà à so Parolla.

4 – Mamma: A Ghjerusalemme Ceslesta (Ghjesù è i so 144000 Fratelli spirituali) chì aghjomai guverneranu u mondu sanu.

5 – Babbu: Ghjevvah Diu

6 - A Dunnacia: A Dona chi face a vita.

7 – Novu Avvenimentu: u Mondu Novu o Paradisu Terrestru.

8 – Muntagna Celesta duv'è Diu hà a so Santa Dimora.