Sergent Mulas
A' diciott'anni a Francia mi hà pigliatu
A' diciott'anni a Francia mi hà mandatu
Per cumaccane e ghjente di l'Algeria
E' pensava venerà a vergine Maria
O u corciu, o u scemu, o u tintu
Fieru di scioccu curaghju mi sò cintu
Cantendu incù forza a Marsigliese
I me ochji mandavanu forte accese
Ma dopu à qualchi mese aghju capitu
Un grande rimorsu mi hà guasi uccisu
Discirnimentatu mi sentia feritu
In u pettu, in u core, in u spiritu
O grande calamità! L'aghju visti cascà
Bocca chjosa si facianu tumbà
Ma i lasci ùn temianu di parlà
O pessima, grande scellerata sorte
M'anu fattu capimachja di a morte
Quand'e ci pensu mi sentu suffucatu
Dopo cinquant'anni sò sempre malatu
Pè dà u calmu à a me trimulella
M'anu datu una chjuca pensiunella
O carissima ghjente tanta amata
Senza dì u perchè l'anu tagliata
Beata pueta... ai guerrighjatu
Per tutti quelli chì ùn anu vutatu
Ghjustu è santu scagnu sarà saratu
O puliticante, per tè avà cantu
Senza u t'aiutu u pane u stantu
JMB