Chiunque hé Cristianu quessa a sà
Stà à sent e parole di u to Babu
Di a legge di a to mamma ùn ti scurdà
Metti saviezza é astutezza in capu
Di Acqua viva u to core fallu sburdà
Ascolta, pianta di digiulà
Acquista facultà di pensà
Ind'u bughjone ùn impettà
U Lampione ti aiuterà
Per strettu chjassu à vighjà
Chiunque hé cristianu quessa à sà
Apri l'arechja à e me sante parolle
Indù Dimora farisiana ùn ci andà
Azzollati incù cinta è cù tracolle
Da Santa Sposa divina fatti stimulà
Ascolta, pianta di digiulà
Manghja a schietta Legge di Ghjah
A so Ghjesgia ùn abbandunà
Spiritu santu ti purterà
In e bracce di felicità
Chiunque hè cristianu quessa a sà
Metti sempre à prufittu santi cunsigli
Di mele di bella straniera ùn ti fidà
Sbolta u sguardu di i luccichenti cigli
Da veru discernimentu fatti insegnà
Ascolta, pianta di digiulà
Per Babilunaccia ùn cantà
Un' ti scartà di a fideltà
Donna Immurtale ti darà
Un bellu chjosu à laburà
Chiunque hè critianu quissa à sà
Santificheghjami, carissimu figliolu
Di i me cari unti ùn ti alluntanà
Lascia corre fume, invidia é orgogliu
Ascolta, pianta di digiulà
Viaghja cù l'unti di Ghjah
U Vangelu devi purtà
Cù curaghju, senza trimà
L'anghjulu ti aiuterà
Chiunque hé cristianu quessa à sà
JMB